ئەمڕۆ یەکشەممە، مووچەی مانگی شەشی لیوا هاوبەشەکانی سەر بە وەزارەتی پێشمەرگە دابەش دەکرێت.
لیوا هاوبەشەکان ژمارەیان زیاتر لە ٣٥ هەزار پێشمەرگەیە و لەو هێزانە پێکهاتوون کە لە لایەن وەزارەتی بەرگری ئەمریکاوە مووچەیان دابین دەکرێت.
تا ئێستا کاتی دابەشکردنی مووچەی مانگی شەشی وەزارەتەکانی هەرێمی کوردستان و ئەو هێزانەی پێشمەرگەش نادیارە کە حکومەتی هەرێم مووچەیان بۆ دابین دەکات.
