ئەندامێکی مەکتەبی سیاسی پارتی باس لە بوونی هەوڵێکی هاوپەیمانی ئیدارەی دەوڵەت دەکات بۆ خۆدزینەوە لە ڕێککەوتنەکان و دەشێڵت، پێشتر کودەتا بەسەر ڕێککەوتنەکەی حکومەت عێراق و هەرێمی کوردستاندا کراوە.
هۆشیار زێباری، ئەندامی مەکتەبی سیاسی پارتی دیموکراتی کوردستان پەیامێکی لە تویتەر بڵاوکردەوە و تێیدا هاتووە کە “هاوپەیمانی ئیدارەی دەوڵەت، دەستبەرداری ئەو بەرنامە سیاسییە بوو کە بۆ پێکهێنانی حکومەتەکەی سودانی لەنێوان پارتی، کورد، سوننە و چوارچێوەی هەماهەنگی دانرابوو”.
ئەوەش دەخاتەڕوو کە هەر کلە هەمان هاوپەیمانێتیدا، “کودەتا” بەسەر رێککەوتنی نێوان سەرۆکی حکومەتی فیدراڵی و حکومەتی هەرێمی کوردستاندا کراوە.
ئەندامەکەی مەکتەبی سیاسی ڕایدەگەیەنێت کە ئێستاش بەرنامەیەک هەیە بۆ خۆ دزینەوە لە رێککەوتنەکان هەر وەک چۆن لە تێپەڕاندنی بودجەدا روویدا.
زێباری جەختدەکاتەوە لەوەی ئەو هەوڵە ڕەتدەکەنەوە.
