بەڕێوەبەرایەتی کارەبای سلێمانی ڕایگەیاند نرخی كاره‌بای موه‌لیده ئه‌هلییه‌كان بۆ مانگی 6 له‌نێوان (7750) بۆ (8750) دیناره.
ئەمڕۆ دووشەممە، بەڕێوەبەرایەتی کارەبای سلێمانی ڕایگەیاند، به‌پێی كۆنووسی كۆبونه‌وه‌ی لیژنه‌ی دیاریكردنی نرخی موه‌لیده ئه‌هلییه‌كان، كاركردن و ته‌رخانكردنی كاره‌با له‌لایه‌ن موه‌لیده ئه‌هلییه‌كانه‌وه بۆ هاووڵاتییان له مانگی نیسان له نێوان (175) بۆ (200) كاتژمێردا بووه.
ڕوونیشیکردەوە کە نرخی هه‌ر كاتژمێرێك بۆ یه‌ك ئه‌مپێڕ به (44) چل و چوار دینار دیاریكراوه، به‌مه‌ش نرخی یه‌ك ئه‌مپێڕ كاره‌بای موه‌لیده‌ی ئه‌هلی له ناو شاری سلێمانی 6 له نێوان له‌نێوان (7750) بۆ (8750) دینار ده‌بێت.
لیژنه‌ی دیاریكردنی نرخی موه‌لیده ئه‌هلییه‌كان، له كۆنووسه‌كه‌دا جه‌ختیان له‌وه كردوه‌ته‌وه كه له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده و پێدانی كاره‌با به‌هاوڵاتیان له (10) خوله‌ك زیاتر بخایه‌نێت، به‌پێچه‌وانه‌وه سه‌رپێچییه و خاوه‌ن موه‌لیده‌كه سزا ده‌درێت.
