لیۆنێل مێسی ئەستێرەی ئەرجەنتینی پەیامێکی بۆ سیسک فابریگاسی هاوڕێ و هاوپیشەی لە یانەی بەرشەلۆنە نارد، کە ڕۆژی شەممەی ڕابردوو لە تەمەنی سی و شەش ساڵیدا وازهێنانی لە تۆپی پێ ڕاگەیاند، ئەمەش وەک ئامادەکارییەک بۆ چوونە ناو دنیای مەشق و ڕاهێنانەکان.
مێسی لە پۆستێکیدا لە هەژماری تایبەتی خۆی لە “ئینستاگرام” نوسیویەتی: ڕاستییەکان لەبارەی هەستی باشم بەرامبەر بە خۆت و خێزانەکەت دەزانیت، تۆ ئەستێرەیەکی گەورەیت فابریگاس، “هیوای سەرکەوتنتان بۆ دەخوازین لە هەنگاوی داهاتووتان، زۆرمان خۆش دەوێن”.
فابریگاس یاریزانی پێشووی یانەکانی ئارسناڵ و چێڵسی و بەرشەلۆنە پێشتر لە سۆشیال میدیا ڕایگەیاندبوو، دوای 21 ساڵ وەک یاریزانێکی پیشەگەر، کاتی ئەوە هاتووە وازهێنانی خۆی لە یاری تۆپی پێ ڕابگەیەنێت.
