لەمڕۆوە مامەڵەی خانەنشینکردنی ئەندامانی خولی پێنجەمی پەرلەمانی کوردستان دەستپێدەکات و لەو بارەیەوە نووسراوێك ئاڕاستەی حکومەت دەکرێت.
هیوا نەسرەدین جێگری سەرۆکی دیوانی پەرلەمانی کوردستان ڕایگەیاند، ئەمڕۆ یەکشەممە، نووسراوی خانەنشینکردنی ئەندامانی خولی پێنجەم ئاڕاستەی خانەنشینی دەکرێت لە وەزارەتی دارایی.
ڕوونیشیکردەوە حەوت پەرلەمانتار بە فەرمی مووچەی خانەنشینیان ڕەتکردووەتەوە.
هیوا نەسرەدین ئاماژەشیدا بەوەی مووچەی خانەنشینی لەسەر بنەمای ساڵی خزمەت و تەمەنی پەرلەمانتارەکە دیاری دەکرێت و بە پێی یاسا بەڕێژی ٢٥٪ تا ٥٠٪ی مووچەکەیان خانەنشین دەکرێن.
بەو پێیەش مووچەی خانەنشینی پەرلەمانتارەکان لە نێوان دوو بۆ چوار ملیۆن دیناردا دەبێت.
