كادرێكی پێشكەوتووی یەكێتیی نیشتمانیی كوردستان بەدووری دەزانێت هەڵبژاردنی پەرلەمانی كوردستان لەو وادەیەدا ئەنجام بدرێت، كە سەرۆكایەتی هەرێم دیاری كردووە و دەشڵێت: “ئەوە ماوەی دووەم بووە بۆ هەڵبژاردن”.
مەحمود خۆشناو، چاودێری سیاسی و كادری پێشكەوتووی یەكێتی بۆ ماڵپەڕی (جریدە) ڕایگەیاندووە، ئاڵنگاری زۆر هەیە، گرنگترینیان یاسای هەڵبژاردنە مشتومڕاوییە، هەموو هێزە سیاسییەکان داوای هەموارکردنەوەی دەکەن بە شێوەیەک لەگەڵ گۆڕانکارییە سیاسی و کۆمەڵایەتییەکان بگونجێت و ئەنجامەکانیش ڕەنگدانەوەی پەیکەری سیاسییە.
دەشڵێت، هەندێك لە دیدگا جیاوازەکان لە یاساکەدا هەیە، کە یەکێتی نیشتمانی و تیمی لایەنە سیاسییەکان داوای گۆڕانکاری ڕیشەیی دەکەن، وەک دابەشکردنی کوردستان لە بازنەیەكەوە بۆ چوار بازنەی هەڵبژاردن، لەوانەش نوێنەرایەتیکردنی ١١ پێکهاتەکە، هەروەها پەسەندکردنی تۆماری بایۆمەتری فیدراڵی بۆ هەموو مەبەستێک و وازهێنان لە تۆماری دەنگدەران لە هەرێم بەهۆی دەسەڵاتی هەڵبژاردنی دەستکردەکەیەوە.
جەختیشی كردۆتەوە، ئەو لایەنەی پڕۆسەی هەڵبژاردن بەڕێوەدەبات یەكلایی بۆتەوە بۆ كۆمسیۆنی عێراق، چونكە كۆمسیۆنی هەرێم لەڕووی یاساییەوە كارا نەكراوەتەوە.
وتوشیەتی، “یەكێك لە ئاڵنگارییەكانی دیكە نەبوونی شوێنێكە بۆ هەمواركردنەوەی و دەركردنی یاسای هەڵبژاردن دوای بڕیارەكەی دادگای فیدڕاڵی بۆ نادەسنووری بوونی درێژكردنەوەی تەمەنی خوولی پێنجەمی پەرلەمانی كوردستان و ئەوەش بۆشایی یاسایی دروست كردووە و ناتوانێت یاسا هەموار بكات و كۆمسیۆن كارا بكاتەوە.
