بەرگری شارستانی سلێمانی رایگەیاند، گایەک لە گەڕەکی حاجی ئاوای سلێمانی هار دەبێت و هاووڵاتییەک برینداردەکات و زیان بە چەند ئۆتۆمبێلێکیش دەگەیەنێت.
بەرگری شارستانی سلێمانی بڵاویکردووەتەوە، ئاگادارکراونەتەوە لە گەڕەکی حاجی ئاوای شاری سلێمانی کە گایەک هاربووە و بەربووە و زەرەر و زیانێکی زۆری بە ئۆتۆمبێلی گەڕەک گەیاندووە هاوڵاتیەکیشی بریندار کردووە.
لە راگەیەندروەکەی بەرگری شارستانی سلێمانیدا هاتووە کە دەستبەجێ تیمەکانیان گەیشتنە شوێنەکە و بەهاوکاری تیمێکی ڤێتێرنەری توانیان بێ هۆشی بکەن و ڕادەستی لیژنەکانی قائمقامیەتی سلێمانی بکەن چونکە کەس خۆی نەدەکرد بە خاوەنی.
