ئەمساڵ نزیکەی دوو ملیۆن و نیو موسڵمان سەردانی خاکی پیرۆزیان کرد و بوونە حاجی.
حاجییەکان سەرەتا لە کێوی عەرەفە وەستان و دواتر بە پاس چوونە موزدەلیفە، لەپاش نزا کردن لە موزدەلیفە، بەردیان بۆ رەجم کردنی شەیتان کۆکردەوە.
لە نیوەی شەویشەوە حاجییەکان بە شێوەی قافڵە نزیکەی سێ کیلۆمەتر و نیویان بەپێ بڕی و لە ناوچەی جەمەرات حەوت بەردیان گرتە “شەیتانی گەورە”.
دوای رەجم کردنی شەیتان حاجییەکان بەپێ گەڕانەوە بۆ کەعبە و تەوافیان کرد، لە پاشان سەریان تاشی و کۆتاییان بە ئیحرام هێنا.
بەم شێوەیەش ئەرکانەکانی فەریزەی حەجیان بەجێهێنا و بوونە حاجی، بەشێکیش لە حاجییەکان بۆ نوێژی بەیانی و نوێژی جەژن لە کەعبە مانەوە.
