ژینگە پارێزانی کۆمپانیای گەردین هەستان بە هەڵمەتێکی پاککردنەوە و دووبارە ئامادەکردنەوەی سەیرانگای بلکیان هەتا لە ڕۆژانی جەژنی قورباندا پێشوازی لە گەشتیاران بکات.
سەیرانگای بلکیان یەکێکە لەسەیرانگاکانی سەربەقەزای پێنجوێن و لەوەرزی گەرمادا ژمارەیەکی زۆر لە گەشتیاران بەمەبەستی حەوانەوە و بەسەربردنی کاتەکانیان ڕووی تێدەکەن.
ژینگەپارێزان باس لەوەشدەکەن ئەوان توانیویانە لەماوەی هەفتەیەکدا گۆڕانکارییەکی زۆر لە سەیرانگاکەدا بکەن و پاکی بکەنەوە و ئامادەی بکەن بۆئەوەی لەڕۆژانی جەژندا پێشوازی لە گەشتیاران بکات، هاوکات داوا لەهاوڵاتیان دەکەن پابەندبن بە پاراستنی سرشتی سەیرانگاکەوە و ژینگەکەی بەپاکو خاوێنی ڕابگرن.
