دەرچووانی کۆلێژی پزیشکی ددان گردبوونەوەیەکی ناڕەزاییان لە بەردەم وەزارەتی خوێندنی باڵا لە هەولێر ئەنجامدا و ڕایانگەیاند جیاوازی لە نێوان دەرچووانی زانکۆ حکومی و ئەهلییەکاندا دەکرێت.
ئەمڕۆ یەکشەممە، ژمارەیەك لە دەرچووانی کۆلێژی پزیشکی ددان لە هەولێر، گردبوونەوەیەکی ناڕەزاییان لەبەردەم وەزارەتی خوێندنی باڵا ئەنجامدا و ڕایانگەیاند، لە کاتی وەرگرتن لە زانکۆ و دامەزراندن و پێشکەشکردن بۆ خوێندنی ماستەر و دکتۆرا، جیاوازی لە نێوان زانکۆ حکومییەکان و ئەهلییەکاندا دەگرێت.
ئەوەشیانخستەڕوو کە کێشەی ئەو جیاوازییە نوێ نییە و داوایان لە وەزارەتی خوێندنی باڵا کرد، ئەو “نادادپەروەرییە” ڕابگرێت و بە پێجەوانەشەوە، پەنا دەبەنە بەر دادگا.
