پێکدادانی دوو بارهەڵگر لە بازگەی ئاسایشی گەرمیاندا، زیانی ماددی لێکەوتەوە.
ئەمڕۆ یەکشەممە، بەڕێوەبەرایەتی هاتووچۆی گەرمیان ڕایگەیاند، درەنگانی شەوی ڕابردوو دوو ئۆتۆمبێلی جۆری مارسیدس بارهەڵگر لە جۆری بەڕاد و گەڵابە، لە ناو خاڵی پشکنینی هێزەکانی ئاسایش لە بەردەسوور پێکیاندادا.
ڕوونیشیکردەوە، بارهەڵگرەکان بە ئاراستەی قەزای کەلار هاتوون و لە ڕووداوەکەشدا زیان بە بارهەڵگرەکان و بازگەکە گەیشتووە، بەڵام زیانی گیانی نەبووە.
