ئەمڕۆ هەینی، دەستەی کەشناسی عێراق، پێشبینییەکانی بۆ کەشوهەوای چوار ڕۆژی داهاتوو ڕاگەیاند، کە ئاماژە بە بەرزبوونەوەی پلەکانی گەرما و دەستپێکردنی خۆڵ بارین دەکات.
لە ڕاگەیەنراوێکدا دەستەکە ئاماژەی بەوە کردووە؛ “کەش و هەوای سبەی، شەممە، ئاسایی دەبێت، لەگەڵ بوونی بای مامناوەندی باکووری ڕۆژئاوا، کە دەبێتە هۆی بەرزبوونەوەی تۆز و خۆڵ لە هەندێک شوێن بەتایبەت لە ناوچەکانی ناوەڕاست و باشوور، لە کاتێکدا کەشوهەوا لە ناوچەکانی باکوور، ئاسایی دەبێت، و پلەکانی گەرماش لە سەرتاسەری وڵاتدا کەمێک بەرز دەبنەوە”.
ڕاگەیەنراوەکە، ئاماژە بە بەرز بوونەوەی پلەکانی گەرما دەکات لە سەرتاسەری وڵات” بەتایبەت لە چەند پارێزگایەکە کە”بەرزترین پلەکانی گەرما لە کەربەلا، بابل و دیالە ٤٤، بەغدا ٤٥، نەجەف ٤٦، بەسرە ٤٧ پلە دەبێت”.
لە ڕاگەیەندراوەکەدا ئاماژە بەوەشکراوە، “کەش و هەوای ڕۆژی یەکشەممە ئاسایی دەبێت، لەگەڵ بوونی بایەکی مامناوەند بەرەو باکووری ڕۆژئاوا، کە دەبێتە هۆی بەرزبوونەوەی تۆز و خۆڵ لە هەندێک شوێنی ناوچەکانی ناوەڕاست و باشوور، هەروەها پلەکانی گەرما هاوشێوەی ڕۆژانی پێشوو دەبن، هاوکات کەشوهەوای ناوچەکانی باکووریش ئاساییە و پلەکانی گەرما کەمێک بەرز دەبنەوە لە چاو ڕۆژانی پێشوودا”.
باس لەوەشکراوە، “کەش و هەوای ڕۆژی دووشەممەش بەهەمان شیوەی ڕۆژانی پیشتر دەبێت، هەروەها با لە باکووری ڕۆژئاوا مامناوەند دەبێت، ئەمەش دەبێتە هۆی بەرزبوونەوەی تۆز و خۆڵ لە هەندێک شوێنی ناوچەکانی ناوەڕاست و باشوور، لە کاتێکدا کەشوهەوای ناوچەی باکوور ئاسایی دەبێت، و پلەکانی گەرما بەرز دەبنەوە”.
بۆ ڕۆژی سێشەممە ئاسمان ساماڵ دەبێت، لە ناوچەکانی ناوەڕاست و باکوور، پلەکانی گەرما هاوشێوەی ڕۆژانی پێشوو دەبێت، هاوکات کەشوهەوای ناوچەی باشووریش ئاسایی دەبێت، لەگەڵ بوونی بای سوکی باکووری ڕۆژئاوا بە خێرایی مامناوەند، کە دەبێتە هۆی بەرزبوونەوەی خۆڵ و تۆز لە هەندێک شوێن، و پلەکانی گەرما کەمێک بەرز دەبنەوە”.
