بەڕێوەبەرایەتی بەرگری شارستانی ڕاپەڕین ڕایدەگەیەنێت، كە بەیانی ئەمڕۆ ئاگرێك لە نزیك گۆڕستانی بەستە ھیزە كەوتۆتەوە و بەهۆیەوە 9 دۆنم گەنم و 60 دۆنم پووش و پاوان سووتاون و دەشڵێت: “لەئێستادا ئاگرەكە كۆنتڕۆڵ كراوە”.
بەڕێوەبەرایەتی بەرگری شارستانی ڕاپەڕین لە ڕاگەیەنراوێكدا ئاماژەی بەوەكردووە، ئەمڕۆ كاتژمێر ( ١٠:٤٠ ) پێش نیوەڕۆ بنكەی بەرگری شارستانی كێوەرەش ئاگادار كرایەوە، كە ڕوداوێكی ئاگر كەوتنەوە ھەیە لە نزیك گۆڕستانی بەستە ھیزە .
ڕوونیشی كردۆتەوە، بنكەی بەرگری شارستانی كێوەڕەش بە ھاوكاری بنكەی بەرگری شارستانی ڕانیە- چوارقوڕنە گەیشتنە شوێنی ڕووداوەكە و توانیان ئاگرەكە كۆنتڕۆڵ بكەن.
ئاماژەی بەوەشكردووە، ئاگرەكە بووە ھۆی سووتانی ٩ دۆنم گەنم و ٦٠ دۆنم پوش و قەسەڵ و هاوكات ڕزگار كردنی چەندان دۆنم گەنـم و باخ لە سووتان.
بەڕێوەبەرایەتی بەرگری شارستانی ڕاپەڕین داوا لە هاووڵاتیان دەكات، “خــێرا پــــەیوەندی كردنت بە تیمەكانمان، ھـۆكارە بۆ كەم بوونەوەی زیانەكان”.
