ئەمڕۆ کەمال محەمەد ساڵح وەزیری کارەبا سەرپەرشتی کۆبوونەوەی ئەنجومەنی وەزارەتی کرد و هەریەکە لە بەڕێوەبەرانی گشتی دیوان بەڕێوەبەرە گشتییەکانی کارەبای پارێزگاکانی هەولیر و سلێمانی و دهۆک و هەڵەبجە و ئیدارە سەربەخۆکانی گەرمیان و سۆران و زاخۆ و ڕاپەڕین و بەڕێوەبەری کۆنترۆڵ و لیژنەی پێوەری زیرەک ئامادەی کۆبوونەوەکەبوون
لە کۆبوونەوەکەدا باس لە بارودۆخی کارەبا و سەرکەوتنی دەستپێکردنی سیستەمی پریپەید کرا، کە کاریگەری گرنگی هەیە لە ڕووی زیادکردنی کاتژمێرەکانی کارەبا و دابینکردنی کارەبای بەردەوام و کەمکردنەوەی لۆد و چارەسەرکردنی گرفتی دوکەڵ و دەنگی موەلیدە و پیسبوونی ژینگە و کۆتایهاتنی زێدەڕۆیی.
بۆ ئەم مەبەستە تەواوی دەسەڵات درایە بەڕێوەبەرانی گشتیی کارەبای پارێزگاکان بەپێی خشتەیەکی زەمەنی پڕۆژەی پێدانی کارەبا لە ڕێگەی پریپەیدەوە لە سەرجەم کۆمەڵگەکانی نیشتەجێبوون جێبەجێ بکەن.
