ئاژانسەکانی هەواڵی چین ڕایانگەیاند بەهۆی تەقینەوەیەکی بەهێزەوە لە یەکێک لەخواردنگەکانی شاری ینتشوانی باکوری خۆرئاوای چین 31 کەس گیانیان لەدەستداوە و حەوت کەسی دیکە برینداربوون. بەگوێرەی ئەو زانیارییانەی بڵاوکراونەتەوە هۆکاری تەقینەوەکە بۆ سیستمی غازی خواردنگەکە گەڕێندراوەتەوە.
ئەوەشخراوەتەڕوو، یەکێک لەبریندارەکان برینەکەی سەختە و ئەوانی دیکە چارەسەری پێویستیان بۆکراوە، هاوکات تیمەکانی بەرگری شارستانی شارەکە بەخێرایی گەیشتوونەتەشوێنی ڕووداوەکە و توانیویانە ئەو ئاگرە کۆنترۆڵ بکەن کە بەهۆی تەقینەوەکەوە کەوتووەتەوە.
ئاماژە بەوەشکراوە تەقینەوەکە کاتژمێر 8:40 خولەک بەکاتی چین لە یەکێک لە خواردنگەکانی شاری ینتشوان ڕوویداوە کە دەکەوێتە ناوچەیەکی چڕی نیشتەجێبوونی هاولاتیان.
