بڕیارە بەغدا لە ٢٤ کاتژمێری داهاتوودا ٤٠٠ ملیار دیناری دیکە بۆ تەواوکردنی مووچەی مانگی ئایاری مووچەخۆرانی هەرێمی کوردستان بنێرێت و پێش جەژن مووجەی سەرجەم وەزارەتەکان دابەشدەکرێت.
سەرچاوەیەک لە وەزارەتی دارایی و ئابوری بە کەناڵی رووداوی راگەیاندووە، بەغدا بڕیاریداوە لە ٢٤ کاتژمێری داهاتوو٤٠٠ ملیار دیناری دیکە بخاتە سەر هەژماری هەرێمی کوردستان، بۆ تەواوکردنی دابەشکردنی مووچە.
ئەو سەرچاوەیەی وەزارەتی دارایی راشیگەیاندووە: “بە گەیشتنی ئەو بڕە پارەیە پێش جەژنی قوربان، مووچەی هەموو ئەو وەزارەت و دەستانە دابەش دەکرێت کە هێشتا مووچەیان وەرنەگرتووە”.
رۆژی ١٥-٦-٢٠٢٣، حکومەتی عێراق ٤٠٠ملیار دیناری خستە سەر هەژماری بانکیی وەزارەتی دارایی و ئابووریی حکومەتی هەرێمی کوردستان و رۆژی ١٨-٦-٢٠٢٣، وەزارەتی دارایی دەستی بە دابەشکردنی مووچەی مانگی ٥ی فەرمانبەران و مووچەخۆران کرد، تا ئێستا مووچەی چەند وەزارەتێک دابەشکراوە و رۆژ بە رۆژ وەزارەتەکە لیستی ئەو شوێنانە بڵاودەکاتەوە کە موووچە وەردەگرن تا ئێستا بە تەواوی خشتەی مووچە رانەگەیەنراوە.
