بەڕێوبەرایەتی ئاوی کۆیە رایگەیاند، بۆری سەرەکی گواستنەوەی ئاو لە پڕۆژەی ئاوی بۆگد – کۆیە بۆ سەنتەری قەزای کۆیە شکێنرا.
بەڕێوەبەرایەتی ئاوی کۆیە بڵاویکردووەتەوە، بەهۆی کارکردنی کۆمپانیای جێبەجێکاری پڕۆژەی چاککردنەوە و دروست کردنەوەی شەقامی ٤٠ مەتری لە رێگای سەرەکی کۆیە – تەق تەق تا رێگای سلێمانی – کۆیە بۆری سەرەکی هێڵی گواستنەوەی ئاو کە قەبارەی ١٢ ئینجە بۆ ناو سەنتەری قەزای کۆیە ئەمڕۆ ١٨-٦-٢٠٢٣ لە کاتژمێر ٦:٣٠ ئێوارە شکاوە.
لە راگەیەندراوەکەدا هاتووە، دوای ئاگادارکردنەوەی بەڕێوەبەرایەتی ئاوی کۆیە و لەلایەن کۆمپانیای جێبەجێکار لە ئێستادا دابەش کردنی ئاو لە ناو شاری کۆیە بەناچاری وەستێنرا وە بۆ مەبەستی چاکردنەوەی و تیمەکانی چاکسازی بەرێوەبەرایەتی ئاوی کۆیە و ستافی پڕۆژەی ئاوی بۆگد – کۆیە بە هەماهەنگی کۆمپانیای جێبەجێکاری پڕۆژەکە سەرقاڵی چاککردنەوەی بۆریەکانن.
بەڕێوەبەرایەتییەکە ئاماژەی بەوەشکردووە، هەرکاتێک کاری چاککردنەوەکە تەواو بوو دەستدەکرێتەوە بە دابەشکردنی ئاو بۆ ئەو گەڕەک و ماڵانەی کە سەرە ئاویانە.
