بریکاری وەزارەتی کارەبای حکومەتی هەرێمی کوردستان رایگەیاند، یەک ملیۆن و ٣٠٠ ھەزار پێوەری زیرەکی کارەبا بەستراون کە بەهۆیەوە kara.
کامیل قەزاز، بریکاری وەزارەتی کارەبا رایگەیاندووە، لە (٩٢٪)ى پرۆژەى پێوەرى زیرەک بۆ کۆنتڕۆکردن و بە ئەلکترۆنیکردنى کارەبا تەواو بووە و بەهۆیەوە بەفیڕۆچوونی کارەبا لە (٤٠٥) بۆ (٣٠٪) کەمبووەتەوە.
دەشڵێت:” سوتانى محاویلەكانى دابەشكردنى كارەبا بەهۆی پێوەری زیرەکەوە زۆر کەمی کردووە و تا ئێستا زیاتر لە ملیۆنێک و ٣٠٠ هەزار پێوەری زیرەک بەستراون و بە سەنتەرەوە لینک کراون”.
راشیگەیاندووە، خواست لەسەر کارەبا چوار هەزار و ٥٤١ مێگاواتە، تواناى بەرهەمهێنان چوار هەزار و ٣٠٠ بۆ چوار هەزار ٤٠٠ مێگاواتە. لە کاتێکدا ژێرخانى بەرهەمهێنانی کارەبا لە حەوی هەزار مێگاوات زیاترە. ئێستا بەهۆى پرۆسەکانی چاککردنەوەوە، سێ هەزار و ٥٠٠ مێگاوات بەرهەم دێت.
بریکاری وەزارەتی کارەبا دەشڵێت:” لە وەرزی هاویندا، خواست لەسەر کارەبا بۆ نزیکەی ٦ هەزار مێگاوات بەرز دەبێتەوە و بەشى فرۆشتنى کارەبا دەبێتە سیستەمى پەنجەرە و کاروبارى هاووڵاتییان باشتر بەڕێوە دەچێت و بە هۆی سۆفت وێیر و پرۆگرامەکانی پێوەری زیرەکەوە، داتا و زانیارییەکانیان پارێزراوتر دەبن”.
