پۆلیسی دارستان لەماوەی قەدەغەی ڕاوەماسیدا ٥٧ کەسی دەستگیرکردووە، دەستیگرتووە بەسەر ٥٥٧ تۆڕی ماسیدا.
لە ٥ی ئاداری هەموو ساڵێک بەهۆی کاتی گەرادانانی ماسییەوە، ڕاوکردنی ماسی تا ١٥ی حوزەیران قەدەغەدەکرێت، لە سبەینێوە ڕاوەماسی دەستپێدەکاتەوە.
لە کۆنگرەیەکی ڕۆژنامەنووسیدا، هێمن کەمەرخان، وتەبێژی پۆلیسی دارستان و ژینگەی سلێمانی ڕایگەیاند، لە ماوەی قەدەغەی ڕاوکردنی ماسیدا ٥٧ کەسیان دەستگیرکردووە، ٥٥٦ تۆڕ، ٧٥ قولاپ، موەلیدەیەک، ١٨ ماتۆڕسکیل، چوار تیئێنتی و پێنج ئۆتۆمبێل دەستیان بەسەرداگیراوە.
ئاماژەی بۆ ئەوەشکرد، لە هەموو کاتێکدا ڕاوکردن بە تەزووی کارەبا و تیئێن تی قەدەغەیە.
