بەپێی ڕاپۆرتە كەشناسییەكان، ئەو بارستە هەوا فێنكەی هەرێمی كوردستانی گرتۆتەوە و ماوەیەكی زۆرە بەردەوامە كۆتایی دێت و لەگەڵ دەستپێكی وەرزی هاوین لە كۆتایی هەفتەی داهاتووەوە گەرمای هاوین دەستپێدەكات.
ئاراس جەبار، شارەزای كەشناسی بۆ (خەڵك) ڕایگەیاند، ئەمڕۆ ناوچەکانمان لەژێر کاریگەری بارستە ھەوایەکی فێنکدایە لەسەرجەم ناوچەکان پلەی گەرما ٣ تا ٤ پلە بەراورد بە دوێنێ نزمترە و بۆ سبەی پێنج شەمە ١٥-٦-٢٠٢٣ ئاسمانی ھەرێم بە زۆری ساماڵ و ھەندێک کات پەڵە ھەور ئەبێت.
ڕاشیگەیاند، سبەینێ کاریگەری ئەو هەوا فێنکە بەردەوام ئەبێت و پلەکانی گەرما جێگیر دەبێت و خێرایی با کاتەکانی پاش نیوەڕۆ مامناوەند بۆ چالاک ئەبێت ١٥ – ٣٠ کم لە كاتژمێرێكدا.
ئاشكراشی كرد، تا ٢٢ی مانگ بەگشتی پلەکانی گەرما بەرزبوونەوەی زۆر بەخۆیەوە نابینێت.
