دوای 3 هەفتە لە پەسەندکردنی پلانێکی حکومەتی فەرەنسا بۆ بەرەنگاربوونەوەی خۆدزینەوە لە باج، فەرەنسا بەرەو بەرەنگاربوونەوەی ئەو شتە دەڕوات کە ناوی لێنابوو “ساختەکاری کۆمەڵایەتی”، چونکە پلانی هەیە ماوەی ساڵانەی مانەوەی کۆچبەرانی خانەنشینکراو درێژبکاتەوە کە کەمترین یارمەتی پیری وەربگرن.
بەپێی ئەوەی وەزیری بەرپرسیار لە هەژمارە گشتییەکان، گابرێل ئەتال لە چاوپێکەوتنێکدا لەگەڵ ڕۆژنامەی “Le Parisian” ڕایگەیاندووە، حکومەت بەنیازە مەرجەکانی نیشتەجێبوون لە فەرەنسا “توندتر بکاتەوە” “بۆ ئەوەی سوود لە هاوکاری کۆمەڵایەتی وەربگرێت”، بە دامەزراندنی فراوان پلانی کۆنترۆڵکردنی “سودمەندانی درۆینە”ی ئەو یارمەتییە.
ئەو وەزیرە کە ئاماژەی بەوەدا کە زیاتر لە ملیۆنێک خانەنشین هەیە کە مووچەی خانەنشینی وەردەگرن لە کاتێکدا لە دەرەوەی فەرەنسان، نیوەیان لە دەرەوەی یەکێتی ئەوروپا و زیاتر لە نیوەی واتە نزیکەی(300 هەزار) یان لە جەزائیرن،
دووپاتی کردەوە کە ئەم ڕێوشوێنە دەچێتە بواری جێبەجێکردنەوە یاسای ئاسایشی کۆمەڵایەتی ساڵی ٢٠٢٣ (بە پێچەوانەوە بە یاسای چاکسازی خانەنشینی ناسراوە) لە ١٤ی نیسانی ساڵی ڕابردوودا پەسەندکرا.
بەم شێوەیە ئێستا پێویست دەبێت کە کۆچبەرانی خانەنشین ٩ مانگی ساڵ لە وڵاتدا بەسەر بەرن، بە بەراورد بە ٦ مانگ لە ئێستادا، بۆ ئەوەی بتوانن سوودمەند بن لە دەرماڵەی خێزان یان کەمترین سنووری تەمەن.
ئەم پلانە بە شێوەیەکی سەرەکی پەیوەندی بە هەزاران کۆچبەرەوە هەیە کە لە سەردەمی گەنجیدا لە جەزائیر و مەغریب و تونسەوە دەهاتنە فەرەنسا، بە تایبەتی لە ساڵانی سییەکانی شکۆمەنددا (١٩٤٦-١٩٧٥)، کە لە پیشە سەختەکاندا کاریان دەکرد، لەوانە بیناسازی، کشتوکاڵ، کان، کارگە و… پیشەکانی تر کە پێویستیان بە دەستێک بوو.
ئەم کۆمەڵە کۆچبەرە، یان ئەوەی لە فەرەنسا بە “الشەیبانی” (بەساڵاچووان بە شێوەزاری مەغریب) ناسراوە، لە ئێستادا تەمەنیان لە نێوان ٧٥ بۆ ٨٢ ساڵدایە، هاوکات تۆمارن لە دەرماڵەی هاوپشتی بۆ بەساڵاچووان.
گابرێل ئاتال، وەزیری بەرپرسی ژمێریاری گشتی جەختی لەوە کردەوە: ساختەکاری کۆمەڵایەتی وەک خۆدزینەوە لە باج، وەک باجێکی شاراوە وایە کە بەسەر خەڵکی فەرەنسی کرێکاردا دەسەپێندرێت.
هاوکات بەڵێنیدا، بەر لە کۆتایی هاتنی خولی سەرۆکی ئیمانوێل ماکرۆن لە سەرەتای ساڵی 2027، هەزار هەلی کار لە بواری بەرەنگاربوونەوەی ئەو ساختەکارییانە دەڕەخسێنرێت، ئەمەش ئاماژەیە بۆ ئەوەی حکومەت بەنیازە یەک ملیار یۆرۆش وەبەرهێنان بکات بۆ پەرەپێدانی سیستەمی زانیاری.
