لە شاری سلێمانی، كچێك لە پاش ئەوەی لەلایەن براكانییەوە ئەشكەنجە دراوە و زیندانی كراوە ڕزگار كرا ، كچەكە ڕەوانەی نەخۆشخانە كرا و براكانیشی دەستگیركران.
بەڕێوەبەرایەتی بەرەنگاربوونەوەی توندوتیژی دژی ژنان و خێزان بڵاویكردەوە، ڕێكەوتی ٢٩/١١/٢٠٢٢ رۆژی سێشەممە پاش ئەوەی هەواڵدەرێك هەواڵی دا كە كچێك بە ناوی ( ش.م.م ) تەمەن ( ٢٥ ) ساڵ لەژێر ئەشكەنجە دایە و زیندان كراوە لە لایەن براكانیەوە لە ماڵی خۆیان بۆ ئەم مەبەستە دەست بەجێ بە بڕیاری دادوەر تیمەكانمان لە نوسینگەی ڕۆژئاوای بەرێوەبەرایەتیمان گەیشتنە شوێنی مەبەست.
بەڕێوەبەرایەتییەكە دەڵێت، تیمەكە توانیان كچەكە رزگاربكەن و سكاڵای تۆمار كرد بە بریاری دادوەر براكانی دەستگیركران و كچەكەش ڕەوانەی نەخۆشخانە كرا بە مەبەستی ڕاپۆرتی پزیشكی
لە ئێستادا پەڕاوی لێكۆڵینەوەی بۆ كراوەتەوەو لێكۆڵینەوە بەردەوامە.
