بەڕێوەبەرایەتی ئاوی سلێمانی ڕایدەگەیەنێت، كە بۆری ئاوی دوكان- سلێمانی شكاوە و تیمەكانیان لە هەوڵی چاككردنەوەیدان و دەشڵێت: “چەند گەڕەكێك بێ ئاو دەبن”.
ئامانج جەلال، وتەبێژی بەڕێوەبەرایەتی ئاوی سلێمانی بۆ (خەڵك) ڕایگەیاند، بەهۆی شكانی بۆری ئاوی دوكان- سلێمانی (هێڵی دوو) چەند گەڕەكێك لەشاری سلێمانی و گەڕەكەكانی ناوچەی قڕگە بێ ئاو دەبن.
ڕاشیگەیاند، تیمەكانیان لەشوێنی شكاویەكەن و هەموو هەوڵێكیان ئەوەیە لەماوەی ۲٤ كاتژمێردا ئاو بگەڕێتەوە بۆ سلێمانی.
وتەبێژی ئاوی سلێمانی داوا لە هاووڵاتیان دەكات، “ئاو بەفیڕۆ نەدەن و زیادەڕۆیی لە بەكارهێنانی نەكەن تاوەكو بێ ئاو نەبن تاوەكو دابەشكردنی ئاو ئاسایی دەبێتەوە”.
