سەرۆکایەتی هەرێم رەتیدەکاتەوە هیچ داوایەکی سودانی رەتکردبێتەوە لەسەر روونکردنەوە لەسەر بابەتی گرێبەستە نەوتییەکان و دەشڵێت:” ئەو هەواڵانە دوورن لە راستییەوە و هیچ ناڕوونی و شاراوه‌یییەک له گرێبه‌سته‌کانی نه‌وتی هه‌رێمی کوردستاندا نییە”.
سەرۆکایەتی هەرێم لە روونکردنەوەیەکدا بڵاویکردووەتەوە، چه‌ند سه‌رچاوه‌یه‌کی هه‌واڵی عێراقی و هه‌رێمی کوردستان بڵاویانکردووەتەوە، گوایه کۆتایی هه‌فته‌ی ڕابردوو سه‌رۆکی هه‌رێمی کوردستان له کۆبوونه‌وه‌یه‌کدا داوایه‌کی سه‌رۆکوه‌زیرانی عێراقی فیدراڵی ڕه‌تکردووه‌ته‌وه بۆ ئاشکراکردنی ورده‌کاریی گرێبه‌سته‌کانی نه‌وتی هه‌رێمی کوردستان.
دەشڵێت:” سه‌رله‌به‌ری هه‌واڵه‌که هه‌ڵبه‌ستراو و دووره له ڕاستی. نه هیچ کۆبوونه‌وه و داوایه‌کی وا کراوه، نه هیچ ناڕوونی و شاراوه‌یی له گرێبه‌سته‌کانی نه‌وتی هه‌رێمی کوردستاندا هه‌یه”.
