بەڕێوەبەری گشتی تەندروستی سلێمانی بەبۆنەی ڕۆژی جیهانی پەرستتاران و كارمەندانی تەندروتسییەوە “سوپاس و پێزانین”یان ئاڕاستە دەكات و بەهۆیەوە سەرمووچەیان بۆ مانگێك پێشدەخرێت.
بەپێی نووسراوێكی بەڕێوەبەراییەتی گشتی تەندروستی سلێمانی، كە واژۆی د.صەباح نەسڕەدین، بەڕێوەبەری گشتی لەسەرە، بەبۆنەی ڕۆژی جیهانی پەرستیاران و کارمەندانی تەندروستی سوپاس و پێزانینی ئاراستەی سەرجەم پەرستیاران و كارمەندانی تەندروستی و سنووری بەرێوبەرایەتی گشتی تەندروستی سلێمانی دەکات.
وەك لە نووسراوەكەدا هاتووە، “سوپاس و پێزانینتان ئاڕاستە دەكەین لەپای هەوڵ وماندووبونیان لەکەرتی تەندروستی و چارەسەرکردنی نەخۆش و خزمەتی هاووڵاتیان لە نەخۆشخانە و سەنتەر و مەڵبەند و بنکە تەندروستیەکانی سنوری پارێزگای سلێمانی “.
هەر بەپێی نووسراوەكە، یەك مانگ پێشخستن بە بەخشینی (قدم) دەدرێتە سەرجەم پەرستاران و كارمەندانی تەندروستی.
