پێگەی فەرمی حکومەتی هەرێمی کوردستان بڵاویکردووەتەوە، دوای ڕێککەوتنی حکومەتی هەرێمی کوردستان و حکومەتی فیدراڵی لەبارەی دۆسیەی نەوتی هەرێمی کوردستان، ڕێوشوێنەکانی دووبارە دەستپێکردنەوەی هەناردەی نەوتی هەرێمی کوردستان تەواوبووە.
پێگەی فەرمی حکومەتی هەرێم ئەوەی خستووەتەڕوو؛ وەزارەتی سامانە سرووشتییەکان، ڕاگەیاندراوێکی بڵاوکردووەتەوە و ئاماژە بەوە دەکات کە کۆمپانیای سۆمۆ لە ڕۆژی ١٠ـی ئایاری ٢٠٢٣، بە فەرمی داوای لە لایەنی تورکیا کردووە پڕۆسەی هەناردەکردنەوەی نەوتی هەرێمی کوردستان لەڕێگەی بۆڕیی کەرکووک – جیهان، دەستپێبکرێتەوە.
ئەوەشخراوەتەڕوو؛ ئێستا، هەردوو وەزارەتی سامانە سرووشتییەکان و وەزارەتی نەوتی فیدراڵ، بۆ دەستپێکردنەوەی هەناردنی نەوت، چاوەڕێی وەڵامی تورکیا دەکەن.
