قوباد تاڵەبانی جێگری سەرۆک وەزیرانی ھەرێمی کوردستان لەبارەی کۆبوونەوەکەی ئەمڕۆ لەگەڵ مەسرور بارزانی سەرۆک وەزیرانی هەرێم، لە تویتەر پەیامێکی بڵاوکردووەتەوە دەڵێت:ئەمڕۆ لەگەڵ سەرۆک وەزیران مەسرور بارزانی کۆبوونەوەیەکی بەرھەمدارم ئەنجامدا.
دەشڵێت:”پێکەوە بەھێزین و دەتوانین بەسەر ئاستەنگەکاندا زاڵبین، پێکەوە کاردەکەین بۆ خزمەتکردنی ھاووڵاتیانمان و بە بەھێزییەوە رووبەڕووی ئەو ھەڕەشانە دەبینەوە کە رووبەڕووی ھەرێمی کوردستان دەبنەوە”.
ماوەی چەند مانگێكە قوباد تاڵەبانی و تیمی وزاری یەكێتی بایكۆتی كۆبوونەوەكانی ئەنجوومەنی وەزیرانی هەرێمیان كردووە و بەهۆیەوە كێشەكانی نێوان یەكێتی و پارتی قوڵتر بوونەتەوە و هۆكارەكەشی بۆ چەند پرسێك دەگەڕێننەوە.
