نرخی نەوت ڕووی لە بەرزبوونەوە كرد، هۆكاریی بەرزبوونەوەكەش بۆ پێشبینییەكانی تایبەت بە سوككردنی ئەو پێوەندانە دەگەڕێتەوە كە لەلایەن چینەوە بۆ نەهێشتنی كۆڤید-19 سەپێنراون.
بەهۆی ستراتیژێك كە لەلایەن چینەوە پەیڕەو دەكرێت لەژێر ناونیشانی “سفر كۆڤید”، خۆپیشاندانی ناڕەزایی لە گەورە شارەكانی وڵاتەكەدا سازكرا.
ئەمڕۆ سێ شەممە، گرێبەستە دواخراوەكانی نەوتی خاوی برێنت بە بڕی 1.4 دۆلار و بە ڕێژەی 1.7% بەرزبوونەوە و نرخی بەرمیلێكی ئەو جۆرە نەوتە گەیشتە 84.57 دۆلار، بە هەمان شێوە گرێبەستە دواخراوەكانی نەوتی خاوی ئەمریكایی خۆرئاوای تكساس بە بڕی 1.17 دۆلار و بەڕێژەی 1.5% بەرزبوونەوە و نرخی بەرمیلێكی ئەو جۆرە نەوتە 78.39 دۆلاری تۆماركرد.
هەر ئەمڕۆ نرخی ئەو دوو نەوتە خاوە جیهانییە، بەبڕی زیاتر لە دوو دۆلار بەرزبوونەوە.
