بڕیارە ئەمڕۆ نرخی بەنزین لە هەرێمی کوردستان یەکبخرێتەوە و بەنرخی ٧٥٠ دیناربۆ هەر لیترێک بە هاووڵاتییان بفرۆشرێت.
نێچیر خەلیل، جێگری بەڕێوەبەری بەنزینخانەی هەڵوێست لە سلێمانی بە (خەڵک)ی ڕاگەیاند، بەپێی بڕیارێک نرخی بەنزین لە هەرێمی کوردستان یەکدەخرێتەوە و دەکرێت بە ٧٥٠ دینار.
ئاماژەی بە ئەوەش کرد، ئەو بڕیارە بەنزینی ٨٠٠ دیناری و ٦٩٠ دیناری دەگرێتەوە کە تایبەتە بە تاکسی و پاس.
لەبارەی نرخی بەنزینی بازرگانییەوە نێچیر خەلیل وتی، ئەو بڕیارە کاریگەری لەسەر نرخی بەنزینی بازرگانیش دەبێت و پێشبینی دەکەین نرخەکەی دا ببەزێت.
ئەوە لە کاتێکدایە نرخی بەنزین لە شار و شارۆچکەکانی هەرێمی کوردستان بەردەوام لە گۆڕانکاریدایە و لە ماوەی ڕابردوودا ئەو نرخە زۆر بەرزبووەوە و ئەوەش ناڕەزایی هاووڵاتییانی لێکەوتەوە.
