كاروانی ئۆتۆمبێلەكانی سەرۆك وەزیرانی عیراق لەسەر شەقامی فڕۆكەخانەی بەغدا و توشی رووداوی هاتووچۆ بوون، ژنێكی دانیشتوی ناوچەی سەوزە گیانی لەدەستداوە،فەرمانبەرێكیش برنیداربووە .
میدیا عیراقییەكان لەزاری سەرچاوەیەكی ئەمنی لە بەغدای پایتەخت بڵاویانكردەوە ، كاتێك كاروانی ئۆتۆمبێلەكانی محەمەد شیاع سودانی لەسەر شەقامی فڕۆكەخانەی بەغدا بوون و سەرقاڵی كردنەوەی رێگا بوون بۆ تێپەڕاندنی سەرۆكوەزیران و گەیشتنی بە فڕۆكەخانە، تووشی ڕووداوی هاتووچۆ بوون.
ئەو سەرچاوەیە باسی لەوەشكردووە، كە یەكێك لە ئۆتۆمبێلەكانی محەمەد شیاع سودانی بەخێراییەكی زۆر خۆی كێشاوە بە ئۆتۆمبێلی هاووڵاتییەكدا و ژنێك بەناوی “ئیسرال وەلید راوی” لەدایكبووی ساڵی 1998 دانیشتوی ناوچەی سەوزە گیانی لەدەستدا، یەكێكی دیكەش كە كارمەندی فڕۆكەخانەبووە بەناوی “هەبە روبەیعی” لەدایكبووی ساڵی 1991ە بەسەختی برینداربووە.
