ئەندامێكی پەرلەمانی عێراق ڕایدەگەیەنێت، لەپرۆژە یاسای بودجە داوای كردووە جوتیارانی هەرێم سودمەندبن لە هاوكاری و پشتیوانی پەینی كیمیاوی و پێداویستی كشتوكاڵی.
سۆران عومەر، ئەندامی پەرلەمانی عێراق بڵاویكردەوە، گەنمی ئەمساڵی جوتیاران تەنی بە ٨٥٠ هەزار دینار وەردەگیرێ، داوای كردووە لەبەر گرانی پەینی كیمیاوی و دەرمانی قڕكەر لەپێناو هاوكاری جوتیاران نرخەكە زیاد بكرێت .
ڕاشیگەیاندووە، كە لە پرۆژە یاسای بودجە داوای ئەوەم كردوە جوتیارانی هەرێمی كوردستان سودمەندبن لەهاوكاری و پشتیوانی پەینی كیمیاوی و پێداویستی كشتوكاڵی.
ئەمە لەكاتێكدایە، وەزارەتی كشتوكاڵ ئاشكراشیكردووە، كە بەهەمان نرخی ٨٥٠ هەزار دینار تەنی گەنم وەردەگرن.
