سەرپەرشتیارێكی پەروەردەیی ژمارەیەك ڕێنمایی خۆئامادەكرن بۆ تاقیكردنەوەكانی خوێندكاران بڵاودەكاتەوە و ڕایدەگەیەنێت، دووركەوتنەوە لەسەعیكردن لەكاتە درەنگەكانی شەودا، چونكە مێشك هیلاك و ماندوو دەبێت و توانای وەرگرتن سست ولاواز دەبێت.
جمال مەحمود پاڕەزانی ، سەرپەرشتیاری پەروەردەیی ڕایگەیاندووە، كە پێویستە قوتابیان و خوێندكاران بە شێوازێكی تەندروست خۆیان بۆ تاقیكردنەوەكانی كۆتای ساڵ ئامادە بكەن.
ڕێنماییەكان بۆ خۆ ئامادە كردن بۆ تاقیكرنەوەكان :
١.دابەشكردنی كاتەكانی شەوو ڕۆژ بەپێی كاژمێرەكان بۆ ( سەعیكردن ، نوستن ، پشوودان ، نوێژكردن ، نانخواردن)..
لەنێوان دوو كاتیسەعیكردندا (١٠)خولەك پشووبدە.
٢. دووركەوتنەوە لەهەموو جۆرە چالاكیەك وسەرقاڵیەكی تۆڕە كۆمەڵایەتیەكان.
٣. دووركەوتنەوە لەسەعیكردن لەكاتە درەنگەكانی شەودا ، چونكە مێشك هیلاك و ماندوو دەبێت و توانای وەرگرتن سست ولاواز دەبێت ، بەجۆرێك كاتەكانی سەعیكردنت ڕێك بخە هەتا كاژمێر ١٠ی شەو پێداچونەوەی وانەكانت تەواو كردبێت و ئامادەبیت بۆ نوستن و پشوودان.. كەمتر لە (٦) سەعات نەخەویت.
٤. زوو هەستانی بەیانیان و سوود وەرگرتن لەكاتی دەمەو بەیان بۆ سەعیكردن .. بەتایبەت دوای نوێژی بەیانی، چونكە مێشك لەم كاتەدا لەچالاكترین باردایە.
٥. دوور بكەوە لەبەكارهێنانی دەستەواژە نەرێنیەكان ، وەك(ناتوانم ، دەرناچم ، من خراپم ، من نازانم ، ،…..هتد) چونكە بم دەستەواژانە بڕوا بەخۆبون لەدەست دەدەیت ، بەڵكو بەردەوام پێچەوانەی ئەم وشانە بڵێرەوە ، بڵێ (دەتوانم ، دەردەچم ، سەركەوتوودەبم ، من زۆر باشم ، ون دەزانم ……هتد)
٦. لەم ماوەدا بەهەموو شێوەیەك دوور بكەوە لەسەیری تەلەفزیۆن وبەرنامەكانی ، كۆمپیوتەر، دوور بكەوە لەچالاكی كۆمەڵایەتی و سەردان و پەیوەندی مەكە بەهاوڕێكانتەوە.
٧. ژوورێك یان شوێنێك دیاری بكە بۆ كۆشش كردن ، باژورێكی سادەبێت ، با پلەی گەرمی ژوورەكەش مامناوەندبێت ، نەسارد ، نەگەرم.
٨. بەبرسێتی سەعی مەكە ، دوای نانخواردنیش ڕاستەوخۆ سەعی مەكە ، كەمێك پشووبدە .
٩. بەوشێوازە سەعی بكە كەڕۆژانە پێی ڕاهاتویت ، بەدانیشتنەوە بێت ، یان ڕۆشتنەوە بێت، بەڵام لەكاتی سەعیكردن ڕامەكشێ .
١٠. زۆر جار هەوڵبدە بەنوسینەوە سەعی بكەیت و پێداجوونەوەی بابەتەكان بكەیت ، نەك تەنها بەزارەكی ووتنەوە.
١١. كاتێك دەڕۆیت بۆ تاقیكردنەوە هیچ دەفتەرو كتێب و مەلزەمەو شتێك لەگەڵ خۆت مەبە و پێش تاقێكردنەوە مێشكت سەرقاڵی هیچ مەكەو ڕاستەو خۆ بڕۆ ناو هۆڵی تاقیكردنەوە.
١٢. دوای تاقیكردنەوەش مێشكت سەرقاڵی هیچ بابەت و پرسار گەلێك مەكە كەپەیوەندی بەتاقیكردنەوەی ئەو ڕۆژەت هەبوو كەتەواو بوویت ، ڕاستەوخۆ بڕۆرەوە ماڵەوەو خۆت سەرقاڵی بابەت و تاقیكردنەوەی سبەی بكە.
