پارێزگاری سلێمانی ڕایدەگەیەنێت، ئاسایش و ئابوریی، لەمە زیاتر؛ تێكمدەن، كە تێكچوو؛ هەموو شت: یان تێكدەچێت، یان لەناودەچێت، دەشڵێت،”ئێوە یاریتان بە ئاگر كرد؛ سوتان، ئێستا ئاگر لە گەمەیەكی ڕاستیدا؛ یاریكەرە”.
هەڤاڵ ئەبوبەكر، پارێزگاری سلێمانی لە هەژماری تایبەتی خۆی ڕایگەیاندووە، ئاسایش و ئابوریی، لەمە زیاتر؛ تێكمدەن، كە تێكچوو؛ هەموو شت: یان تێكدەچێت، ڕەش و سپیی، ئیمان و ئیلحاد، ئایشێ و فاتمێ، چین و ماچین، شمشێرو زام، ئەستێرەو مانگ؛ پێكگەیشتن و لێكگەیشتن و پێكهاتن، ئێوەی زەنگین؛ هەر نەگەشتن، لێكنەگەشتن، هەر نەهاتن، نەگەشتن.
دەقی پەیامەكەی پارێزگاری سلێمانی :
ئازیزان..
ئاسایش و ئابوریی، لەمە زیاتر؛ تێكمدەن، كە تێكچوو؛ هەموو شت: یان تێكدەچێت، یان لەناودەچێت، لە بونەوە تا بیر تا باوەڕ، تا مرۆڤایەتیی، تا ئازادیی، تا كار، تا ژیان، تا ئایین، تا دەوڵەت، تا دادپەروەریی، تا مەرگ، تا نەبون.
ڕەش و سپیی، ئیمان و ئیلحاد، ئایشێ و فاتمێ، چین و ماچین، شمشێرو زام، ئەستێرەو مانگ؛ پێكگەیشتن و لێكگەیشتن و پێكهاتن، ئێوەی زەنگین؛ هەر نەگەشتن، لێكنەگەشتن، هەر نەهاتن، نەگەشتن..
چاوی چاوەڕوانیی و ئاوی پێ و تاسەی دڵ و سەودایی سەرتان بردین و، هەر نەهاتن.
ناتانەوێ بەسیكەن؟! با بەسیكەن.
ئێوە یاریتان بە ئاگر كرد؛ سوتان، ئێستا ئاگر لە گەمەیەكی ڕاستیدا؛ یاریكەرە.
