ئێوارەی ئەمڕۆ هەڵبژاردەی لاوانی عێراق لە یارییەکی دۆستانەدا لە كەمپی هەردوو تیپ لە ئیسپانیا، ڕووبەڕووی هەڵبژاردەی بەڕازیل دەبێتەوە.
قەحتان مالیكی، ڕێکخەری ڕاگەیاندنی تیپی لاوانی عێراق لە لێدوانێكی ڕۆژنامەوانیدا ڕایگەیاند، “تیپی لاوان دوێنێ دوایین یەکەی مەشق و ڕاهێنانەکانی تەواوکرد، وەک ئامادەکارییەک بۆ یارییەکەی ئەم ئێوارەیەی بەرامبەر بەڕازیل، تیپەکە هەوڵدەدات لەم یارییەدا ئاستێكی باش لەبەرامبەر یەکێک لەو تیپانەی پاڵێوراون بۆ نازناوی مۆندیال، پێشكەش بكات”.
بە وتەی قەحتان مالیكی”لە مەشقەکانی وێنێدا 27 یاریزان بەشدارییان كرد، لەکاتێکدا مستەفا کابیل بەهۆی پێکانێکی کەمەوە لە مەشقەكاندا ئامادەنەبوو، هەروەها ستافی ڕاهێنەرایەتیش پێیان باش بوو پشووی پێبدەن، تا پێکانەکەی خراپتر نەبێت و ڕەنگە لە یارییەكەی ئەمڕۆشدا بەشداری نەکات”.
یارییەکە کاتژمێر هەشتی ئێوارە بە كاتی بەغدا پایتەخت بەڕێوەدەچێت.
