لە زیوریخی پایتەختی سویسرا تیروپشكی جامی جیهانی لاوان – ئەرجەنتین 2023 ڕاكێشرا و هەڵبژاردەی عێراقیش كەوتە گروپێكی بەهێزەوە.
تیپی لاوانی عێراق لە ڕاكێشانی تیروپشكی مۆندیالی لاواندا كەوتە گروپی E و خۆی لەبەرامبەر هەڵبژاردەكانی ئۆرۆگوای و ئینگلتەرا و تونسدا بینیەوە.
جامی جیهانی لاوان بۆ خوار تەمەن 20 ساڵان، لە 20ی ئایار تا 11ی حوزەیران لە وڵاتی ئەرجەنتین بەڕێوەدەچێت.
هەڵبژاردەی لاوانی عێراق لە جامی ئاسیادا لەدوای هەڵبژاردەی ئۆزبەكستان، توانی پلەی دووەم بەدەستبهێنێت كە مانگی ئاداری ڕابردوو لە ئۆزبەكستان بەڕێوەچوو.
