لە پارێزگای بارتن باكووری ڕۆژئاوای توركیا، پاسێكی نەفەرهەڵگر وەرگەڕا، بەپێی ئامارە بەراییەكان لە ڕووداوەكەدا، ٣٩ كەس برینداربوون.
ڕووداوەكە لەسەر ڕێگای بارتن-زۆنگوڵداك ڕووی دا كە تیایدا پاسێك لە كۆنتڕۆڵ دەرچوو و وەرگەڕا.
دوا بە دوای ڕووداوەكە تیمەكانی جەندرمە، تەندروستیی، ئافاد و ئاگركوژێنەوە گەیشتنە شوێنی ڕووداوەكە.
بەپێی ئامارە بەراییەكان لە ڕووداوەكەدا، ٣٩ كەس برینداربوون كە لەلایەن تیمەكانی تەندروستییەوە لە شوێنی ڕووداوەكە چارەسەری سەرەتاییان بۆ كرا و پاشان بە ئۆتۆمبێلی فریاگوزاریی بەپەلە گواسترانەوە بۆ نەخۆشخانەكان.
