محەمەد سەڵاح ئەستێرەی میسری، لەڕێی دەنگی هاندەرانەوە خەڵاتی باشترین یاریزانی مانگی ئاداری لەگەڵ یانەی لیڤەرپوڵی ئینگلیزی بەدەستهێنا.
سەڵاح لەگەڵ هاوڕێكانی كۆدی جاكۆبۆی هۆڵەندی و ئەلیسۆن بێكەری گۆڵپارێزی بەڕازیلی لە كێبڕكێدا بوو، تا خەڵاتی باشترین یاریزانی مانگی مانگی ئادار لەگەڵ ڕیدز بەدەستبهێنێت.
بەپێی ڕاگەیەندراوێكی فەرمی یانەی لیڤەرپوڵ، سەڵاح دوای ئەوەی زۆرینەی دەنگی جەماوەری بەدەستهێنا و دەنگی زیاتری لە جاكبۆ و ئەلیسۆنی هاوڕێی بەدەستهێنا، خەڵاتەكەی بردەوە.
سەڵاح دوای وەرگرتنی خەڵاتەكە ڕایگەیاند:”دڵخۆشم جارێكی تر ئەم خەڵاتە بەدەست بهێنمەوە، بەڵام لەئێستادا یاری داهاتوو گرنگترینە بۆ ئێمە، بۆیە هیوادارین ئەنجامێكی باش بەدەست بهێنین”.
