وەزارەتی خوێندنی باڵاو توێژینەوەی زانستی لەبارەی پشووی سبەینێوە دەسەڵاتی دایە سەرۆکی زانکۆکان.
وەزارەتى خوێندنى باڵا و توێژینەوەى زانستی لە راگەیەندراوێکی بەپەلەدا دەڵێت،بەپشت بەستن بە پێشبینییەکانى دامەزراوەى کەشناسى و بومەلەرزەى هەرێمى کوردستان کە هۆشدارى داوە لەبارەى شەپۆڵێکى (باران بارینى بەلێزمە) و (هەروە بروسکە) و (ئەگەرى لافاو) بۆ ئەم مەبەستە لەپێناو پاراستنى سەلامەتى گیانى خوێندکاران و قوتابیان و مامۆستایان و فەرمانبەرانى دامەزراوەکانى خوێندنى باڵا لە هەردوو کەرتى گشتى و کەرتى تایبەت، لەسەر فەرمانى وەزیرى خوێندنى باڵا و توێژینەوەى زانستى دەسەڵات دەدرێت بە سەرۆکى زانکۆکان بۆ ئەوەى لە کاتى پێویست دا پشوى فەرمى ڕابگەیەنن.
ئەوە لە کاتێکدایە کە کەشناسی و بوومەلەرزەزانی هەرێمی کوردستان بڵاویکردووەتەوە، لە ئەمشەوەوە شەپۆلیکی بارانبارینی بەهێز هەرێمی کوردستان دەگرێتەوە و لە هەندێک شوێن دەبێتە هۆی دروستبوونی لافاو.
