ئەمشەو هەردوو یانەی مانشستەر سیتی ئینگلیزی و بایرن میونشنی ئەلًمانی لە لوتكەی خولی یانە پاڵەوانەكانی ئەوروپا ڕووبەڕووی یەك دەبنەوە.
ئەمشەو كاتژمێر 10 هەردوو مان سیتی و بارین میونشن لە قۆناغی چارەكی كۆتایی خولی یانە پاڵەوانەكانی ئەوروپا ڕووبەڕووی یەك دەبنەوە، ئەم یارییەش بە لوتكەی یارییەكانی چامپیۆنزلیگ و یاریی كۆتایی پێشوەختە دادەنرێت.
هەر ئەم شەو لە هەمان خولدا، لە كاتژمێر 10 یانەكانی ئینتەر میلانی ئیتاڵی و بەنفیكای پورتوگالی ڕووبەڕووی یەك دەبنەوە، بەڵام یارییەكەی مان سیتی و بایرن گرنگییەكی زیاتری هەیە و هەوادارانی هەردوو یانە بە تامەزرۆوە تەماشای هاتنەبەری ئەو یارییە دەكەن كە بە یاریی كۆتایی پێشوەختە ناوزەند دەكرێت.
