وەزارەتی خوێندنی باڵا و توێژینەوەی زانستی ڕایدەگەیەنێت، بۆ فەرمانباران و مامۆستایان ژمارەیەك دەرفەتی خوێندنی ماستەر و دكتۆرایان بۆ وڵاتی كۆریای باشوور هەیە و دەشڵێت،”دەرفەتی خوێندنیش لەچوارچێوەی هەماهەنگی وەزارەتی پلاندانان و سەنتەری لێكۆڵینەوەی پەرەپێدانی نێودەوڵەتی كۆریای باشوو (KDI School)ـە”.
وەزارەتی خوێندنی باڵا و توێژینەوەی زانستی لە ئاگادارییەكدا بڵاویكردەوە، كە ئەوانەی ئارەزووی خوێندنیان هەیە دەتوانن خۆیان تۆمار بكەن بۆ زەمالەی خوێندنی ماستەر و دكتۆرای لە بوارەكانی سیاساتی گشتی، سیاسەتەكانی پەرەپێدان و بەڕێوەبردنی گشتی لە زانكۆكانی وڵاتی كۆریای باشوور، دەرفەتەكەش تاوەكو 19ی 4ی 2023 كرایەوە.
ئاماژە بۆ ئەوەشكراوە ، كە بۆ ئەوانەی دەیانەوێت داواكاری پێشكەش بكەن ئەوا دەتوانن لە رێگای ئەم لینكەوە مەرجەكان پڕ بكەنەوە و داواكاری پێشكەش بكەن www.kdischool.ac.kr/admissions و لە ئێوارەی ئەمڕۆ دووشەممەوە لە ماڵپەڕی وەزارەت زەمالەكەی بڵاوكردەوە .
مەرجەكانی پێشكەشكردن بۆ ماستەر:
• پێشكەشكار پێویستە فەرمانبەر یان مامۆستا بێت.
• پێشكەشكار دەبێت بە لایەنی كەم دوو ساڵ خزمەتی هەبێت لە پاش بەدەستهێنانی دوایین بڕوانامە.
• پێشكەشكار دەبێت كۆنمرەی بەكالۆریۆسی لە 65% كەمتر نەبێت.
• ئاستی توانستی زمانی داواكراو لە بەرنامەیەك بۆ بەرنامەیەك جیاوازە، بۆیە بەر لە پێشكەشكردن تكایە تەواوی وردەكارییەكانی ئەم بەرنامەیە بخوێننەوە كە داواكاری بۆ پێشكەش دەكەن.
• داواكار دەبێت لەهەمان بواری خۆی داواكاری بۆ بەرنامەی ماستەر پێشكەش بكات. (واتا بەكالۆریۆس و ماستەرەكەی لە هەمان بوار بێت).
• كاندیدی سەركەوتوو لەلایەن وەزارەتەكەمان تەنیا مۆڵەتی خوێندنی پێ دەدرێت، واتا بە موچەی بنەڕەتی و دەرماڵە جێگیرەكان.
• كاندیدی سەركەوتوو لەلایەن وڵاتی كۆریای باشوور پشتگیریی دارایی دەكرێت.
مەرجەکانی پێشکەشکردن بۆ دکتۆرا:
• پێشکەشکار دەبێت فەرمانبەر یا مامۆستا بێت.
• پێشکەشکار دەبێت بەلایەنی کەم دوو ساڵ خزمەتی هەبێت لە پاش بەدەستهێنانی دوایین بڕوانامە، بەڵام بۆ دەرچووانی بەرنامەی تواناسازی دەبێت بە لایەنی کەم (5) ساڵ خزمەتی هەبێت.
• پێشکەشکار دەبێت کۆنمرەی ماستەری لە (70%) کەمتر نەبێت.
• ئاستی توانستی زمانی داواکراو لە بەرنامەیەک بۆ بەرنامەیەک جیاوازە، بۆیە بەر لە پێشکەشکردن تکایە تەواوی وردەکارییەکانی ئەم بەرنامەیە بخوێننەوە کە داواکاری بۆ پێشکەش دەکەن.
• داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتا ماستەر و دکتۆراکەی لە هەمان بوار بێت).
• کاندیدی سەرکەوتوو لەلایەن وەزارەتەکەمان تەنیا مۆڵەتی خوێندنی پێ دەدرێت، واتا بە مووچەی بنەڕەتی و دەرماڵە جێگیرەکان.
• کاندیدی سەرکەوتوو لەلایەن وڵاتی کۆریای باشوور پشتگیریی دارایی دەکرێت.
