وەزیری پەروەردەی حكومەتی هەرێم ڕایدەگەیەنێت، لەبەر بەرژەوەندی قوتابیان و خوێندكاران تاقیكردنەوەی نیشتیمانی پۆلی ٩ی بنەڕەتی لە خولی یەكەمدا ڕۆژ نا ڕۆژێك دەبێت ، لە رێكەوتی ٢٩ی ٤ی ٢٠٢٣ دەستپێ دەكات و لەڕۆژی ١٠ی ٥ی ٢٠٢٣ كۆتا تاقیكردنەوەی خولی یەكەم بێت.
ئالان حەمە سەعید ساڵح ، وەزیری پەروەردەی حكومەتی هەرێم بڵاویكردەوە، لەبەر بەرژەوەندی قوتابیان و خوێندكاران، ئاگاداری (لیژنەی باڵای تاقیكردنەوەكان)ی كردۆتەوە، كە تاقیكردنەوەی نیشتیمانی پۆلی ٩ی بنەڕەتی لە خولی یەكەمدا ( ڕۆژ نا ڕۆژێك ) دابنێن.
ڕاشیگەیاندووە، كە نابێت مامۆستایانی پۆلی نۆی بنەڕەت لە قوتابخانە (حكومی و ناحكومییەكان) چاودێری هۆڵەكانی تاقیكردنەوەی پۆلی نۆی بنەڕەتی بن.
تاقیكردنەوەی نیشتیمانی پۆلی نۆی بنەڕەتی :
١- لەبەر بەرژەوەندی قوتابیان و خوێندكاران ، ئاگاداری (لیژنەی باڵای تاقیكردنەوەكان) م كردۆتەوە ، كە تاقیكردنەوەی نیشتیمانی پۆلی ٩ی بنەڕەتی لە خولی یەكەمدا ( ڕۆژ نا ڕۆژێك ) دابنێن . بەجۆرێك لە رێكەوتی ٢٩ی ٤ی ٢٠٢٣ دەستپێبكات و لە رێكەوتی ١٠ی ٥ی ٢٠٢٣ كۆتا تاقیكردنەوەی خولی یەكەم بێت ، و لەچەند رۆژی داهاتوو خشتەی تاقیكردنەوەكانی خولی یەكەم بڵاوبكەنەوە.
٢- سەرپەرشتیاران بەشێوەیەكی چالاكانە ڕۆڵ دەگێڕن لە تاقیكردنەوەكان بە سەرپەرشتیارانی بنەڕەتی و ئامادەییەوە ، دابەش دەبن بەسەر قوتابخانەكان ( حكومی و ناحكومی ) و لە قوتابخانەكان و هۆڵەكانی تاقیكردنەوە دەمێننەوە.
٣- نابێت مامۆستایانی پۆلی نۆی بنەڕەت لە قوتابخانە (حكومی و ناحكومییەكان) چاودێری هۆڵەكانی تاقیكردنەوەی پۆلی نۆی بنەڕەتی بن.
ئالان حمە سعید صالح
وەزیری پەروەردە
٩ی ٤ی ٢٠٢٣
