وەزارەتی تەندروستی و ژینگەی عێراق ڕایدەگەیەنێت، بەهۆی ئەو شەپۆلەخۆڵبارینەی پارێزگاكانی ناوەڕاست و خوارووی عیراقی گرتۆتەوە، ٥١٥ هاووڵاتی بەهۆی تەنگەنەفەسیەوە ڕەوانەی نەخۆشخانە كراون.
سەیف بەدر، وتەبێژی وەزارەتی تەندروستی و ژینگەی عێراق لە لێدوانێكی ڕۆژنامەوانیدا ڕایگەیاند، لەپارێگاكانی باشوور و ناوەڕاستی عێراق بەهۆی خۆڵبارینەوە تائێستا ٥١٥ حاڵەتی تەنگەنەفەسی داغڵی نەخۆشخانەكان كراون.
ڕاشیگەیاندووە، لەو ژمارەیە بەشێكیان دوای ئەوەی چارەسەری پێویستیان بۆ كراوە نەخۆشخانەیان بەجێ هێشتووە و گەڕاونەتەوە ماڵەكانیان و هەندێكیشیان لەنەخۆشخانەكان ماونەتەوە و تەندروسیان ناجێگیرە.
