دوای ئەوەی لە ڕۆژی 5ی 3ی 1991 ڕاپەرین لە شاری رانیە دەستیپێكرد، سەرجەم شار و قەزاو ناحیە و گوندەكانی كوردستانی گرتەوە و گەلی كورد لە دەست زەبرو زەنگی رژێمی سەدامی گۆڕ بەگۆڕ رزگاریان بوو، لە رۆژی 31 ی ئازاری ساڵی 1991 كۆڕەوی دوو ملیۆنی گەلی كورد دەستیپێكرد.
لە رۆژی 31 ی ئازاری ساڵی 1991 رژێمی بەعسی رووخاو هێزێكی زۆری دژی هەرێمی كوردستان كۆكردەوە و بەهۆیەوە هاووڵاتییان بە ناچاری ماڵ و حاڵیان جێهێشت كۆڕەوی دوو ملیۆنی گەلی كورد دەستیپێكرد و بە سەدان خێزانی كورد روویانكردە سنورەكانی توركیا و ئێران و بە سەدان كیلۆمەتریان بەپێ بڕی.
