جێگری سەرۆكی لیژنەی نەوت و گاز لە پەرلەمانی عێراق ڕایدەگەیەنێت، راگرتنی هەناردەی نەوت لەرێگەی بۆری نەوتی هەرێمی كوردستان، رۆژانە زیانی 40 ملیۆن دۆلار بە حكومەتی عێراق دەگەیەنێت.
نەھرۆ رواندزی، جێگری سەرۆكی لیژنەی نەوت و گاز لە پەرلەمانی عێراق، لە لێدوانێكی رۆژنامەوانیدا راگەیاندووە، جیا لە نەوتی هەرێمی كوردستان، نەوتی كەركووك و بەشێك لە نەوتی بەغداش بە بۆریی نەوتی كوردستان بۆ بەندەری جەیهان ھەناردە دەكرێت، بۆیە راگیرانی زیان بە حكومەتی عێراقیش دەگەیەنێت.
جێگری سەرۆكی لیژنەی نەوت و گاز لە پەرلەمانی عێراق ڕاشیگەیاندووە، چوونی شاندی حكومەتی ھەرێمی كوردستان بۆ بەغدا بۆ چارەسەركردنی ئەم كێشەیەیە .
بۆ كوردستان 24 ئاماژەی بۆ ئەوەشكردووە، كە راگرتنی هەناردەی نەوت لەرێگەی بۆری نەوتی هەرێمی كوردستان، رۆژانە 40 ملیۆن دۆلار زیان بە حكومەتی عێراق دەگەیەنێت، بۆیە دەبێت یاسای نەوت و غاز ئامادە بكرێت، كە پەیوەندییەكانی نێوان هەولێر بەغدا لە رووی نەوت و غازەوە رێكدەخاتەوە.
