ئاسایشی پارێزگای هەولێر ڕایدەگەیەنێت، بڕێكی زۆر گۆشتی هیندی لەلایەن هێزەكانیانەوە دەستی بەسەردا گیرا، دەشڵێت،”كارتۆنی گۆشتەكان لەنێو كۆگایەكدا بووە و هەوڵدراوە بە نهێنی لەرێگەی بارهەڵگرەوە بخرێتە بازاڕەوە”.
ئاسایشی پارێزگای هەولێر لە ڕاگەیەنراوێكدا بڵاویكردەوە، لەلایەن هێزەكانیانەوە دەست بەسەر بڕی 299 كارتۆن گۆشتی هیندی قەدەغەكراودا گیرا، كە لە كۆگایەكی سەر رێگەی كەركوك – هەولێر شاردراوەتەوە.
ئاماژە بۆ ئەوەشكراوە، كە كارتۆنی گۆشتەكان لەنێو كۆگایەكدا بووە و هەوڵدراوە بە نهێنی لەرێگەی بارهەڵگرەوە بخرێتە بازاڕەوە، بەڵام بەرلەوەی دابەش بكرێت دەستی بەسەردا گیراوە.
ئەمە لەكاتێكدایە، ئەو گۆشتە هیندییە بەشێوەیەكی ناتەندروست و بە قاچاخ هاتووەتە هەولێرەوە و قەدەغەكراوە و بەهیچ شێوەیەك نابێت لە بازاڕەكانی هەرێمدا بفرۆشرێت.
