لەسنوری ناحیەی شێخ تەویل لە سنووری ئیدارەی گەرمیان بەهۆی پێکدادانی دوو ئۆتۆمبێلەوە کەسێک بریندار بوو.
بەڕێوەبەرایەتی هاتووچۆ گەرمیان لە ڕاگەیەنراوێكدا ئاماژەی بەوەكردووە، پاش نیوەڕۆی ئەمڕۆ یەک شەممە لە سنووری ناحیەی شێخ تەویل ئۆتۆمبێلێکی جۆری (مان تەنکەر) بەئاڕاستەی گوندی زەردەلیکاو ڕۆشتووە و ئۆتۆمبێلێکی جۆری نیسان پیکاب بە ئاڕاستەی گوندی تەپەکەڕوس ڕۆشتووە و پێکیانداداوە.
ڕاشیگەیاندووە، لەئەنجامی ئەو ڕووداوە شۆفێری ئۆتۆمبێلی جۆری نیسان پیکاب بریندار بوو.
ئاماژەی بەوەشكردووە، تیمی هاتووچۆ لێکۆڵینەوەیان لە ڕووداوەکە دەست پێکردوە بە مەبەستی زانینی هۆکاری ڕووداوەکە.
