ئەمینداریەتی گشتیی ئەنجومەنی وەزیرانی عیراق بڕیاریدا بە كەمكردنەوەی دەوامی فەرمانگە حكومییەكان
میدیاكانی عیراق بڵاویانكردەوە، كە ئەمینداریەتی گشتیی ئەنجومەنی وەزیرانی عیراق بڕیاریدا بەبۆنەی هاتنەوەی مانگی رەمەزانی پیرۆز دەوامی فەرمانگەو دامەزراوەكانی حكومەت یەك كاتژمێر كەمبكاتەوە.
ئاماژە بۆ ئەوەشكراوە، كە بڕیارەكە لە یەكەم ڕۆژی مانگی ڕەمەزانی پیرۆزەوە دەست پێدەكات.
ئەمە لەكاتێكدایە، هاوشێوەی وڵاتانی سعودیە و توركیا و حكومەتی عیراقیش ڕۆژی پێنجشەممەی وەك یەكەم ڕۆژی مانگی پیرۆزی ڕەمەزان دیاریكرد، لەهەرێمی كوردستانیش ڕۆژی پێنجشەممە یەكەم ڕۆژی مانگی پیرۆزی ڕەمەزانە .
