لەدوای گران بوونی نرخی گۆشتی سوور لە بازاڕەكانی هەرێم، نرخی گۆشتی مریشكیش بەرزبووەوە و كیلۆی گەیشتە 4 هەزار دینار.
ئەیوب، كە كاری فرۆشتنی مریشك دەكات لە سلێمانی بۆ (خەڵك) ڕایگەیاند، چەند ڕۆژێكە نرخی مریشك كیلۆی چۆتە سەرووی 3 هەزار دینار و ئەمڕۆش نرخەكەی زیاتر بەرزبووەوە و كیلۆی گەیشتە 3 هەزار و 900 دینار.
وتیشی، “نرخی كیلۆیەك مریشكی قەڵەو، كە پێی دەوترێت ئومەهات گەیشتۆتە 4 هەزار و 500 دینار”.
بە بۆچوونی ئەو مریشك فرۆشە، هۆكاری بەرزبوونەوەی نرخی مریشك دەگەڕێتەوە بۆ زۆری خواستی هاووڵاتیان بەهۆی وەرزی سەیران و گەیشت و هەروەها كەمبوونەوەی بەرهەمی كێڵگەكانی پەلەوەر، كە هۆڵەكانیان كەمی مریشك تیاماوە و هێشتا وەجبەی مریشكی تازەیان ئامادەی فرۆشتن نەبووە.
ئەمە لەكاتێكدایە، كە لە مانگی ڕابردوودا نرخی گۆشتی سوور ڕووی لە بەرزبوونەوە كرد و نرخی یەك كیلۆ گەیشتە نزیكەی 20 هەزار دینار.
