كۆمیسیۆنی یەكێتی ئەوروپا وەك ئەندامی بەڕێوەبردنی یەكێتییەكە چالاكی ئەنجام دەدات، بەهۆكاری ئەمنی بەكارهێنانی تۆڕی كۆمەڵایەتی تیك تۆك-ی لە كارمەندانی قەدەغە كرد.
ماڵپەڕی پۆلیتیكۆ بڵاویكردەوە، بەیانی ئەمڕۆ پێنج شەممە 23ی 2ی 2023 فەرمان بە سەرجەم كارمەندانی كۆمیسیۆنی یەكێتی ئەوروپا كراوە، ئەو ئەپڵیكەیشنە لە تەلەفۆنە تایبەتییەكان و تەلەفۆنی دامەزراوەكانیاندا بسڕنەوە.
ئەوەشخراوەتەڕوو،كەچاوەڕێش دەكرێت لەئایندەیەكی نزیكدا، دامەزاوەكانی دیكەی یەكێتییەكە وەك ئەنجومەنی یەكێتی ئەورووپا و پەرلەمانی ئەوروپا، هەنگاوی لەوشێوەیە بگرنەبەر.
تۆڕی كۆمەڵایەتی تیك-تۆك كەسەربە كۆمپانیایەكی تەكنەلۆجی چینە لەبەشێك لە وڵاتانی جیهاندا مەترسی ئەمنی دروستكردووە و بەو هۆیەوە لە ئەمریكا، بەكارهێنانی ئەو تۆڕە كۆمەڵایەتییە لە تەلەفۆنەكانی تایبەت بە خزمەتی فەرمی قەدەغە كرا.
