ئەمڕۆ ئەنجومەنی وەزیرانی هەرێمی کوردستان کۆدەبێتەوە، دەرئەنجامی سەردانی شاندی دانوستانکاری حکومەت بۆ بەغدا، وە شاندی سەرۆکی حکومەت بۆ فەڕەنسا و ئیمارات دەخرێتەڕوو.
فەرمانگەی میدیا و زانیاری بڵاویکردەوە، ئەمڕۆ ئەنجومەنی وەزیرانی هەرێمی کوردستان کۆبوونەوەی ئاسایی خۆی ئەنجام دەدات، لە بڕگەی یەکەمی کۆبوونەوەکەدا دەرئەنجامی سەردانەکەی شاندی هەرێمی کوردستان بە سەرۆکایەتی مەسرور بارزانی سەرۆکی حکومەت بۆ وڵاتەکانی فەڕەنسا و ئیمارات باسدەکرێت.
لە بڕگەی دووەمیشدا، دەرئەنجامی کۆبوونەوەکانی شاندی دانوستانکاری حکومەتی هەرێم لەگەڵ شاندی دانوستانی حکومەتی عێراق لەبارەی پڕۆژە یاسای نەوت و گازی فیدڕاڵی دەخرێتەڕوو.
ڕەشنووسی پڕۆژەیاسای ڕێگاوبانە گشتییەکانی هەرێمی کوردستان لە بڕگەی سێیەمدا باسدەکرێت.
